Barents Reuniovnna birra

Barents Reunion lea organisašuvdna, man ulbmilin lea fierpmádagaid ja deaivvademiid
lágideapmi Barentsguovllu viđa álbmoga ovddasteaddjiid gaskavuhtii. Doaibma galgá ovddidit
ráji rasttildeaddji jurddašeami ja doaibmama sihke lasihit Barentsguovllu álbmogiid eallinvuoimmi ja
boahtteáigejáhku.

Barents Reuniovdna boahtá leat jahkásaš dáhpáhus Háhpárándi Durdnosis ja dan ulbmilin
lea ovddidit Barentsguovllu viđa álbmoga; Sámi, Ruošša, Norgga, Suoma ja Ruoŧa ovttasbarggu,
earenoamáš deaddosuorgin leat fitnodatdoallan, skuvlen, bargomárkanat, energiija, biras sihke
kultuvra ja valaštallan. Barents reuniovnnas lea dahkan álgaga IKEA vuođđudeaddji Ingvar Kamprad.

Barents Reuniovnna čoahkkimat ollašuhttojuvvojit juohke jagi ođđasit gaskaijabeaivváža áigge nu,
ahte dat čohkkejit konveantan vihtta álbmoga Háhpárándi Durdnosis. Oktanaga konveanttain
bovdejuvvojit mielde oppa Barentsguovllu kultur- ja valaštallansearvvit lágidit sierralágan
doaimmaid/dáhpáhusaid, mat buktet ovdan Barentsguovllu máŋggabealatvuođa ja kulturgirjáivuođa.

Jagi 2008 konveanta dollo vuosttas háve ja dan fáddán lea "Fitnodatdoallan ođđa áigge". Prográmma,
mii bistá guokte beaivvi gitta beaivvemállásis beaivemállásii, sisttisdoallá Davviriikkaid
njunušpolitihkkáriid, ealáhusdoaimmaid ovddasteaddjiid ja guovllu viđa álbmoga ovddasteaddjiid
logaldallamiid ja ovdanbuktimiid ja daid ulbmilin lea vuolggahit ságastallama ja barggu, man ulbmilin
fas lea Barentsguovllu viđa álbmoga eallinvuoimmi ja boahtteáigejáhku lasiheapmi.

Konveanta sáhttá maiddái dahkat mearrádusa fáddái gulli cealkámušas ja doaimmain. Dán jagi fáddán
lea "Fitnodatdoallan ođđa áigge" ja dáhpáhus lágiduvvo 12-13/6 —08 beaivemállásiin gitta nuppi
beaivve beaivemállásiidda Háhpáránddis.