Dáhpáhussii dahjege konventii gullá juohke jagi fáddá, nugo fitnodatdoallan, skuvlen, bargomárkanat, energiija, biras, kultuvra ja valaštallan. Ulbmilin lea ráhkadit fierpmádaga ja lágidit deaivvademiid, mat ovddidit ráji rasttildeaddji jurddašeami ja doaibmama, ja mat buoridit eallinšlája ja lasihit boahtteáigejáhku Barentsguovllu álbmogiid gaskavuhtii. Vuosttas konveanta lágiduvvo geassemánu 12.-13. beaivve 2008 Háhpárándi Durdnosis. Ieš konventii oasselastet sullii 60 buot viđa álbmoga ovddasteaddji ja ulbmilin lea, ahte konveantta oktavuođas leat maiddái eará doaimmat lagasguovllu/Barentsguovllu olbmuide.

Barentsguovllu searvvit ja kultureallin bovdejuvvojit mielde lágidit/buktit ovdan sierralágan Barentsguovllu kultur- ja valaštallandoaimmaid. Dát dáhpáhuvvet oktanaga konveanttain Háhpárándi Durdnosis ja daid ulbmilin lea šaddat álbmotfeastan, muhto maiddái seammás čájehit, mas dáid viđa álbmoga kultur- ja valaštallaneallin čohkiida ja mii das lea fállanláhkai. Servviide dát lea earemoamáš dilálašvuohta leat oidnosis.

Sávvat din buresboahtin dahkat evttohusaid doaimmain/dáhpáhusain/gilvvohallamiin oktan goluin ee., maid sáhttit lágidit Barents uniovnna áigge. Čálalaš evttohusat ja ovttageardánis bušeahtta galget leat Barents Reuniovnna stivrenjoavkkus maŋimustá njukčamánu 31. beaivve. Čujuhus: Stivrenjoavku/Ohjausryhmä, Barents Reunion, c/o Merja Pikkuaho, 953 85 Haparanda.

Stivrenjoavku vállje oktavuhtii heivvoleamos evttohusaid ja mearrida daid ruhtadeamis. Doaimmat, masa váldet oasi eambbo go okta álbmot, prioriserejuvvojit.

Barents Reuniovnna stivrenjoavku